Ажлын байрны стресс

АЖИЛ ДЭЭРХ СТРЕССИЙГ ДАВАН ТУУЛАХ

Ажил хийж байсан хүн бүр ямар нэгэн байдлаар ажилтай холбоотой стрессийг мэдэрдэг. Та тухайн хийж байгаа ажилдаа дуртай байсан бага зэргийн стресс үүсдэг. Богино хугацаанд ажлыг биелүүлэх болон бэрхшээлтэй ажил үүргийг биелүүлэхийн тулд сэтгэлзүйн дарамтанд орж болзошгүй. Хэтэрхий ажлын стресс хүндрэхэд энэ бие махбодийн болон сэтгэл санааны хувьд ч хор хөнөөлтэй байдаг.

Харамсалтай нь, стресс нь дэндүү түгээмэл үзэгдэл юм. APA -агентлагаас жил бүр хийдэг "Америк дахь стресс" судалгаанаас үзэхэд АМЕРИКЧУУДЫН ИХЭНХ СТРЕССИЙН ЭХ ҮҮСВЭР НЬ АЖЛЫН СТРЕСС БАЙДАГ ГЭЖЭЭ. Ажил дээр гарч буй хурцадмал байдлаас үргэлж зайлсхийж чадахгүй. Ихэнх Ажилд дээр үүсдэг маргаан ажлыг сайжруулахын төлөө бие биендээ хэлсэн үг байдан. Та ажлын стрессээс ангижрах хувь хүний стресс менежменттэй байх нь чухал болжээ.

АЖЛЫН СТРЕССИЙН НИЙТЛЭГ ЭХ ҮҮСВЭР

Ажлын байран дээр стресс үүсэх зарим хүчин зүйлүүд:
• Цалин багатай байх
• Хэт их ачаалалтай байх
• Өсөж дэвших боломж бага байх
• Сонирхол татахаар биш, Хэт төвөгтэй ажил
• Нийгмээс, хамт олноос ирэх дэмжлэг дутмаг байх
• Ажил дээр шийдвэр гаргах боломж бага байх
• Ажилчдын хоорондын харилцаа буюу нийгэм сэтгэл зүйн уур амьсгал таагүй байх
• Ажил хөдөлмөрт нь зохих үнэлгээг өгөхгүй байх

ХЯНАЛТГҮЙ СТРЕССИЙН ХОР, ҮР НӨЛӨӨ

Ажлын байрны стресс нь гэртээ харихад алга болдоггүй. Стресс үргэлжлэх ба таны эрүүл мэнд, сэтгэлзүйн сайн сайхан байдалд ихээхэн нөлөөлдөг.
Стресс нь толгой өвдөх, гэдэс өвдөх, нойргүйдэх, уурлах, төвлөрөхөд төвөгтэй болох зэрэг шинж тэмдгүүд үүсдэг. Архаг стрессийН УЛМААС СЭТГЭЛ ГУТРАЛ БУЮУ депресс үүсэхэд сэтгэлийн түгшүүр үүсч, нойргүйдэх, цусны даралт ихсэх, дархлаа сулардаг. Энэ нь сэтгэлийн хямрал, таргалалт, зүрхний өвчин зэрэг эрүүл мэндийн байдалд нөлөөлж болно. Асуудлыг улам хүндрүүлснээр хэт их стресст орсон хүмүүс хэт их идэх, эрүүл хоол хүнс идэх, тамхи татах, хар тамхи, согтууруулах ундаа хэтрүүлэн хэрэглэх зэрэг эрүүл бус аргаар асуудлыг шийддэг.

СТРЕССИЙГ АРИЛГАХ АРГА ЗАМУУД

Сэтгэлийн дарамтанд орно. Ямар нөхцөл байдалын улмаас хамгийн их стресс үүсгэж байгаа болон та түүнд хэрхэн хариу үйлдэл үзүүлж байгааг мэдэхийн тулд долоо хоногт эсвэл хоёр долоо хоног тэмдэглэл хөтөл. Байгаль, хүрээлэн байгаа орчны талаарх бодол, мэдрэмжээ тэмдэглээрэй. Тухайн нөхцалд оролцсон хүмүүс, нөхцөл байдал, бие махбодийн байдал ямар байсан, та хэрхэн хариу үйлдэл үзүүлсэн /Жишээ нь Та дуугаа хураалаа? Та стрессээ тайлах гэж ямар хоол зууш авсан бэ уу? Явган явсан уу?/ гэх мэт.

Тэмдэглэл хийх нь таны стрессийн зуршил хэв маяг, тэдгээрт үзүүлэх хариу үйлдлийн онцлогийг тодорхойлоход тусална.

Эрүүл мэндээ дэмжих хариу арга хэмжээтэй болох. Түргэн хоол болон согтууруулах ундаа хэрэглэж стресстэй тэмцэхийн оронд стресс үүсч байгаа үед эрүүл хооллох хэрэгтэй. Дасгал хөдөлгөөн болон иог нь стрессийг даван туулах зөв арга юм. Мөн хобби болон дуртай үйл ажиллагаандаа цаг гарга. Энэ нь роман унших, концерт үзэх эсвэл гэр бүлийнхэнтэйгээ хамт цагийг өнгөрөөх гэх мэт өөрт таашаал авчрах зүйлд цаг гарга. Хангалттай сайн унтах нь стрессийг үр дүнтэй удирдахад чухал ач холбогдолтой. Өдрийн цагаар кофе уухыг хязгаарлаж, компьютер, телевизийн хэрэглээ гэх мэт буруу зуршилт үйл ажиллагааг багасгах замаар, амрах нойрны эрүүл зуршлыг өөртөө бий болго.

Ажил амьдралдаа хил хязгаарыг тогтоох. Өнөөгийн дижитал ертөнцөд 24 цагийн турш дарамтыг мэдэрдэг. Үүнд: Оройн цагаар гэрээсээ имэйл шалгахгүй байх, эсвэл оройн хоолны үеэр утсанд хариулахгүй байх гэсэн дүрмийг бий болгож болох юм. Хэдийгээр хүмүүс ажил амьдралаа хэр зэрэг холих талаар өөр өөрийн бодолтой байдаг ч эдгээр зүйлийн хооронд тодорхой хязгаарыг бий болгосноор ажил амьдралын зөрчил, түүнтэй холбоотой стрессийг багасгадаг.

Өөрийгөө цэнэглэх цаг гарна. Стрессийн сөрөг үр дагавруудаас зайлсхийхийн өөрийн хэвийн үйл ажиллагааны түвшинд эргэж очиход танд цаг хугацаа хэрэгтэй. Энэхүү үйл явц нь ажилтай холбоотой зүйл хийхгүй байх эсвэл ажлын талаар санахгүй байх зэргээр ажлын талаарх бодлоо " захимдаа унтрааж байх" шаардлагатай байдаг. Тиймээс үе үе ажил амьдралаа салгах нь маш чухал юм. Амралтын өдрүүдээ дэмий өнгөрөөх хэрэггүй. Боломжтой бол амрах хэрэгтэй бөгөөд ингэснээр та эрч хүчээ авч, хамгийн сайнаараа ажиллахад бэлэн болно. Хэрэв та өөртөө амрах цаг гаргаж чадахгүй байгаа бол ухаалаг утсаа унтрааж, хэсэг хугацаанд ажлын бус үйл ажиллагаанд анхаарлаа төвлөрүүлээрэй, ингэснээр та өөртөө дэвшлийг авчрах болно.


Өөртөө амралт бий болго. Бясалгал хийх болон амьсгалын ихэнх дасгалууд стрессийг тайлахад тусалдаг. Өдөр бүр хэдхэн минут зарцуулаад гүнзгий амьсгалах, алхах эсвэл хоол идэх гэх мэтийн энгийн үйл ажиллагаанд анхаарлаа төвлөрүүл. Аливаа зүйлд анхаарлаа төвлөрүүлэх чадваргүй байвал түүнийг дадал болгох хэрэгтэй. Ингэснээр өдөр тутмын үйл ажиллагаа улам сайжрах бөгөөд үүнийг олон зүйл дээр ашиглах боломжтой.

Удирдах ажилтантайгаа ярилц. Ажилтны ажлын бүтээмж нь тэдний эрүүл мэнд болон цаг хугацаатай холбоотой тул таны дарга ажилчдын ажил хөдөлмөрт нь зохих үнэлгээг өгч, урамшуулах хэрэгтэй. Удирдах ажилтантайгаа нээлттэй яриа өрнүүл. Үүнд:
 Цагийн менежменттэй байх талаар
 Ажил олгогчоос урамшууллын талаар тодруулах
 Танаас юу хүлээж байгааг тодруулах
 Шаардлагатай эх үүсвэр эсвэл хамтран ажиллагсдын дэмжлэгийн тухай
 Чухал болон хүнд даалгавруудыг хийх асуудалд уян хатан болон дэмжлэгтэй хандах талаар.

Дэмжлэг ав. Итгэлтэй найз нөхөд, гэр бүлийн гишүүдээсээ тусламж авах нь стрессийг удирдахад нөлөөлнө. Ажил олгогч нь ажилчдадаа зориулж сургалт хөтөлбөр явуулах, шаардлагатай зөвлөгөө, мэдэээллээр хангах эсвэл сэтгэцийн эрүүл мэндийн мэргэжилтнүүдэд ханддаг стрессийн менежментийг зохицуулах байгууллагын тусгай албатай байх хэрэгтэй.
Хэрэв танд ажлын стрессээс үүссэн сэтгэлийн дарамт үргэлжлүүлсээр байвал үүнийг илүү сайн зохицуулж, эрүүл бус зан авирыг тань өөрчлөхөд туслах мэргэжлийн сэтгэл зүйчтэй ярилцахыг зөвлөж байна.

#Монголын Сэтгэлзүй Сэтгэц Хэмжилзүйн Үндэсний Хүрээлэн

НИЙТЭЛСЭН: 2020-04-16 өдөр 13:35:5 цаг