БНСУ-ын Олон Улсын хамтын ажиллагааны байгууллага Койкагийн 100 хувийн буцалтгүй тусламжаар баригдаж буй Галт тэрэгний хөдөлгөөн зохицуулалтын нэгдсэн төвийн барилгаас гадна  галт тэрэгний үйл ажиллагаанд хяналт тавих галт тэрэгний төвлөрсөн удирдлагын төхөөрөмж, төмөр замын аюулгүй байдлын хяналтын системийг туршилтаар бий болгох, ТТ-ЗБ шугамын галт тэрэгний үйл ажиллагааны мэдээллийг хянах зорилгоор галт тэрэгний төвлөрсөн удирдлагын төхөөрөмж болон замын хажуугийн аюулгүйн байгууламжид тулгуурлан галт тэрэгний ажиллагааны аюулгүй байдлыг бодит цагаар хянах, хяналтын камер/CCTV/, галт тэрэг таних төхөөрөмж/RFID/, Tag болон дүрс бичлэгийн дүн шинжилгээний мэдээллийг ашиглан вагоны мэдээллийг хянах Төмөр замын аюулгүй байдлын хяналтын системүүдийг нэвтэрүүлэхээр судалгааны ажил хийгдэж байгаа.  Судалгааны үр дүнг,  тайланг 2024.12.11-ны өдөр ЗТЯ, ГТХЗНТ, УБТЗ, МТЗ болон КОЙКА ОУХАБ-ын төлөөллүүдэд төслийн хамтарсан баг  танилцууллаа.