ГТХЗНТөв нь Зам, тээврийн хөгжлийн сайд С.Бямбацогтын санаачилсан “SCHOLARSHIP ROAD-2023” зам тээврийн салбарын боловсролын үзэсгэлэнд тавдугаар сарын 18-нд Улаанбаатар зочид буудлын Их танхимд зохион байгуулсан боловсролын үзэсгэлэнд оролцлоо. Үзэсгэлэнд Зам, тээврийн хөгжлийн яамны харьяа 11 агентлаг, зам, тээврийн чиглэлээр боловсон хүчин бэлтгэдэг гадаадын болон дотоодын найман их сургууль, коллеж оролцож, тэтгэлэгт хөтөлбөрүүд, нээлттэй ажлын байрны мэдээллээ танилцуулж оролцлоо. ГТХЗНТөв нь ОХУ-ын Эрхүү хотын зам харилцааны их сургуультай хамтран хэрэгжүүлж буй магистрын эчнээ хөтөлбөрийн сургалтаа танилцуулан оролцлоо.