"Галт тэрэгний хөдөлгөөн зохицуулалтын нэгдсэн төв" УТҮГ-ын үйлдвэрчний эвлэлийн хороон даргыг сонгох хурал зохион байгууллаа. Монголын төмөр замчдын үйлдвэрчний эвлэлийн холбооны дэд дарга Д.Нарантуяа ирж хурлыг удирдсан бөгөөд ажилтнууд санал хураалт явуулж үйлдвэрчний эвлэлийн хороон даргаар ахлах мэргэжилтэн Г.Бат-Оргилыг сонголоо. Мөн өмнөх хороон дарга Э.Дэлгэрмөрөн ажлын тайлангаа танилцуулан, үүрэгт ажлаа шинэ даргад хүлээлгэн өгсөн юм.