ТЕХНОЛОГИ, МЭДЭЭЛЭЛ, СУРГАЛТ, СУДАЛГААНЫ ХЭЛТЭС

Зорилго

Галт тэрэгний хөдөлгөөний удирдлага, зохицуулалтын системийг боловсронгуй болгох, мэдээлэл технологийн өргөн сүлжээг нэвтрүүлэх, төмөр замын тээврийн салбарын мэргэжилтэй ажилтан бэлтгэх, инженер техникийн ажилтнуудын мэргэжлийг тасралтгүй дээшлүүлэх, давтан сургах, мэргэжлийн зэрэг олгох, сургалтыг боловсронгуй болгох чиглэлээр төрийн болон төрийн бус байгууллагуудтай хамтран ажиллах, төмөр замын тээврийн салбарын эрдэм шинжилгээ, судалгаа, инновацыг хөгжүүлэх, салбарын мэдээллийн нэгдсэн сан бүрдүүлэн хөтлөх, ашиглах.

Үйл ажиллагааны чиглэл

-Галт тэрэгний хөдөлгөөний удирдлага, зохицуулалтын системийг боловсронгуй болгох,

-Галт тэрэгний хөдөлгөөний нэгдсэн зурмагийг автоматжуулах.

-Автоматжуулах системийг төмөр замын өргөн сүлжээнд нэвтрүүлэх;

-Төмөр замын тээврийн салбарын мэргэжилтэй ажилтан бэлтгэх, инженер техникийн ажилтнуудын мэргэжлийг тасралтгүй дээшлүүлэх, давтан сургах, мэргэшлийн зэрэг олгох, сургалтыг боловсронгуй болгох;

-Төвийн үйл ажиллагаанд мэдээллийн технологийн шинэ шийдэл нэвтрүүлэх, технологийн өдөр тутмын үйл ажиллагаанд хяналт тавих;

-Төмөр замын суурь бүтэц эзэмшигчдийн галт тэрэгний хөдөлгөөн зохицуулалтанд хэрэгжих мэдээллийн технологи, автоматжуулалтын системийн харилцан уялдаа холбоог хангах;

-Төмөр замын сүлжээний нэвтрүүлэх чадвар, хөдлөх бүрэлдэхүүнийг оновчтой ашиглах, хангасан галт тэрэгний хөдөлгөөний зохицуулалтыг автоматжуулах;

-Төмөр замын тээврийн салбарын статистик мэдээллийн нэгдсэн санг бүрдүүлж, хөтлөх, төмөр замын тээврийн асуудал эрхэлсэн төрийн захиргааны төв байгууллагыг мэдээллээр хангах, мэдээлэл солилцох тогтолцоог боловсронгуй болгох;

-Төмөр замын тээврийн салбарын эрдэм шинжилгээ, судалгаа, инновацыг хөгжүүлэх дэд хөтөлбөрийг хэрэгжүүлэх зорилгоор суурь судалгаа хийх;

-Галт тэрэг солилцооны мэдээлэл дамжуулах техник, аргачлалын талаар ажлын санал боловсруулах, хэрэгжүүлэх